平板一

曲時間

收錄時間

收錄比例

17'19"

04'39"

1/4

 

( 一 ) 阿哥上排妹下排 哥係鳳凰妹鴙雞,哥係鳳凰唔開口 喊涯鴙雞樣般啼。

( 二 ) 山歌唔係考秀才 好好壞壞唱出來,人人做過十七八 擔竿做過嫩筍來。

(三) 客家文化愛留長 唱出中原客家腔, 歌詞就像詩句樣 論起唔會輸文章。

(四) 高山頂上唱山歌 山歌唱去開心多, 人人笑涯風流女 皆因好到無奈何。

(五) 愛聽山歌行前來 莫驚老妹想唔來, 雙腳踏在雙條路 由在阿哥奈條來。

(六) 敢做黃藤唔怕山 敢唱山歌敢大聲, 涯唱山歌你來對 兩人山歌比輸贏。

(七) 講到山歌涯最多 對歲學行就唱歌, 零星拿來同你唱 唱到涯孫做外婆。

(八) 講到山歌涯唔驚 隨便唱來比你贏, 山歌可比耐隆布 又奈洗來水奈邦。

(九) 涯唱山歌你愛聽 你今聽到莫多嫌, 涯今可比黃麻樣 黃麻打索總愛邦。

(十) 山歌愛邦就來邦 邦到阿哥頸橫橫, 鐵錘堵到硬鐵板 錘到阿哥眼盯盯。

(十一) 麻竹架橋想按多 同哥隔山又隔河, 阿哥按好妹無想 只想同哥和山歌。

(十二) 山歌緊唱聲緊嬌 三弦來和九龍蕭, 兩人交情交到老 石板來造萬年橋。